| Innra svæði - innskráning | |
|---|---|
|
Fréttir
Fundur með dómsmála- og mannréttindaráðherra
7. júlí 2010. Í morgun áttu fulltrúar stjórnar BÍL fund með Rögnu Árnadóttur dómsmála- og mannréttindaráðherra. Til umræðu var fyrirkomulag lottómála á Íslandi, ráðstöfun lottóágóðans, aðgengi að upplýsingum um skiptingu fjármuna sem til ráðstöfunar eru og hugmyndir um breytingar á gildandi einkaleyfum til að reka íslenskt lottó. Hér fylgir á eftir erindi það sem stjórn BÍL lagði fram á fundinum:
Lesa meira...BÍL og Reykjavíkurborg endurnýja samstarfssamning
12. maí 2010 Í dag undirrituðu forseti BÍL Kolbrún Halldórsdóttir og borgarstjóri Hanna Birna Kristjánsdóttir samstarfssamning milli Reykjavíkurborgar og BÍL til næstu þriggja ára. Bandalag íslenskra listamanna metur það við stjórnvöld í borginni að vilji skuli vera til að framlengja samninginn til svo langs tíma við þær aðstæður sem nú eru uppi í samfélaginu. Á samráðsfundinum sem fram fór í ráðhúsinu í dag lagði stjórn BÍL fram minnisblað með nokkrum áhersluatriðum sem stjórnin telur að samstarfsaðilunum beri að sinna á næstunni. Minnisblaðið fer hér á eftir:
Alþjóðlegi dansdagurinn 29. apríl
29. apríl 2010 Alþjóðlegi dansdagurinn verður haldinn hátíðlegur í dag og mun listdanssamfélagið halda upp á daginn um allt land m.a. með nýrri danssmíðakeppni KORUS sem haldin verður í Loftkastalanum í kvöld. Markmið Alþjóðlega dansdagsins er að yfirstíga allar pólitískar, menningarlegar og siðfræðilegar hindranir og að færa fólk nær hvert öðru, í friði og vináttu með sameiginlegu tungumáli – Dansinum. Dagurinn er haldinn hátíðlegur um heim allan með fjölbreyttum hætti en til hans var stofnað árið 1928 af Alþjóðlegu dansnefnd ITI/UNESCO. Dagsetningin er til minningar um fæðingardag frakkans Jean-Georges Noverre, sem fæddist árið 1727 og var mikill dansumbótasinni. Á hverju ári er ávarp velþekktra aðila innan dansheimsins sent um heimsbyggðina. Eftirfarandi skilaboð dansdagsins í ár eru samin af Julio Bocca:
Glæsilegur fundur
24. apríl 2010. Hugarflugsfundur Bandalags íslenskra listamanna, sem haldinn var í sal FÍH við Rauðagerði í dag, tókst vel. Yfir 100 listamenn úr aðildarfélögum BÍL sátu fundinn og skeggræddu um listina og samfélagið. Fundarmenn unnu á 11 borðum og fylgdu fyrirmælum stjórnanda fundarins; Lárusar Ýmis Óskarssonar. Í fundarlok lögðu fundarmenn á hverju borði fyrir sig fram stutta setningu sem ætlað var að lýsa vinnunni á viðkomandi borði. Hér fer á eftir nokkurs konar „þykkni“ úr umræðunni:
Síðasti skráningardagur!!!
19. apríl 2010
Í dag eru síðustu forvöð á skrá sig á spennandi fund, sem gæti haft áhrif á framtíð hinna skapandi greina, listamenn og höfunda hugverka.
Lesa meira...Í dag eru síðustu forvöð á skrá sig á spennandi fund, sem gæti haft áhrif á framtíð hinna skapandi greina, listamenn og höfunda hugverka.
Getur þín sköpun skipt sköpum?
12. apríl 2010
BÍL boðar til fundar í fundarsal FÍH að Rauðagerði 27, Reykjavík - 24. apríl nk.
Stjórn BÍL fundar með mennta- og menningarmálaráðherra
23. mars 2010 Sameiginlegur fundur stjórnar BÍL – Bandalags íslenskra listamanna og mennta- og menningarmálaráðherra var haldinn í dag. Fundinn sátu einnig nokkrir starfsmenn menningarskrifstofu ráðuneytisins auk ráðuneytisstjóra. Í gildi er samstarfssamningur milli þessara aðila sem gerir ráð fyrir samstarfi um mál er varða listir og listamenn almennt, stuðning við ný listform, kynningu á íslenskri list erlendis og fjölþjóðlegt samstarfi á sviði lista. Tilgangur samningsins er samstarf við mörkun og framkvæmd stefnu á sviði menningarmála, með það að markmiði að fyrir hendi séu jafnan sem gleggstar upplýsingar um listalífið í landinu og þróun þess. Framkvæmd samningsins felur það í sér að BÍL lætur mennta- og menningarmálaráðuneytinu í té umsagnir, álitsgerðir, upplýsingar og ráðgjöf um mál sem ráðuneytið vísar til BÍL.
Lesa meira...Hverjir fjármagna íslenskar kvikmyndir?
17. mars 2010 Á blaðamannafundi í Þjóðmenningarhúsinu í dag var kynnt ný könnun um fjármögnun kvikmynda, sem unnin hefur verið fyrir SÍK - Samband íslenskra kvikmyndaframleiðenda, FK - Félag kvikmyndagerðarmanna og SKL – Samtök kvikmyndaleikstjóra.
Lesa meira...