Forseti BÍL

Jóna Hlíf Halldórsdóttir (f. 1978) er myndlistarmaður og forseti Bandalags íslenskra listamanna. Hún lauk MA-gráðu í listkennslu frá Listaháskóla Íslands árið 2013, MFA-gráðu frá Glasgow School of Art árið 2007 og BA-prófi frá Myndlistarskólanum á Akureyri árið 2005.

Jóna Hlíf hefur víðtæka reynslu af myndlist og menningarmálum. Hún var safnstjóri Gerðarsafns á árunum 2019–2021, formaður Sambands íslenskra myndlistarmanna (SÍM) 2014–2018 og formaður Myndhöggvarafélagsins í Reykjavík 2011–2013. Hún hefur starfað sem sjálfstætt starfandi myndlistarmaður frá árinu 2006 og kennt við Listaháskóla Íslands, Myndlistarskólann í Reykjavík, Ljósmyndaskólann og Myndlistarskólann á Akureyri.

Jóna Hlíf hefur jafnframt setið í stjórnum fjölmargra menningarstofnana og samtaka og býr yfir víðtækri þekkingu á hagsmunagæslu listafólks, menningarstefnu og rekstri listasafna. Hún hefur tekið þátt í fjölmörgum sýningum hérlendis og erlendis.

Jóna Hlíf Halldórsdóttir
Kjörin forseti BÍL á aðalfundi þann 16. mars 2024.

bil@bil.is
Sími: 6630545