Reiknivél BHM

BHM hefur sett upp reiknivél fyrir verð á útseldri vinnu til að auðvelda félagsfólki að reikna út sín mánaðarlaun

Sjálfstæðir atvinnurekendur eru þau sem stunda eigin rekstur, ýmist á eigin kennitölu eða í félagi, oftast einkahlutafélagi.

Þau  sem starfa sjálfstætt geta haft aðra í vinnu og bera þá skyldur gagnvart þeim líkt og aðrir vinnuveitendur.

Viss aukavinna og ábyrgð fylgir því að vera sjálfstætt starfandi listamaður.

Listamenn verða sjálfir að standa skil á lögbundnum gjöldum, félagsgjöldum í stéttarfélögum, mótframlögum í sjóði, auk orlofs, veikindaréttar og uppbóta.

Lögbundinn gjöld

• Tryggingjald til ríkisins samtals 6,35%. Sjá sundurliðun:
  • Tryggingagjaldið sjálft 4,65% (fjármagnar m.a. greiðslur úr fæðingarorlofssjóði).
  • Atvinnutryggingagjald 1,35%
  • Gjald í ábyrgðasjóð launa 0,05%
  • Markaðsgjald 0,05%
• Lífeyrissjóðsgreiðslur 15,5%
• Endurhæfingarsjóður 0,1%

Félagsgjald í Visku og mótframlög í sjóði 

• Félagsgjald í Visku 0,95% af launum.
• Sjúkrasjóður BHM 1% (valkvætt gjald)
• Orlofssjóður BHM 0,25% (valkvætt gjald)
• Starfsmenntunarsjóður BHM 0,22% (valkvætt gjald)
• Starfsþróunarsetur háskólamanna 0,70% (valkvætt gjald)
• Vísindasjóður 1,5% af dagvinnulaunum (valkvætt gjald)

Orlof, veikindi og uppbætur 

• Orlofslaun 11,59% til að fjármagna fríin
• 3,1% til að fjármagna veikindadaga.
• 4,3% til að fjármagna löghelga frídaga.
• 4,1% Desember og orlofsuppbót.

Samtals amk. 48,39% sem bætast þarf við tímakaup. Til viðbótar má nefna tryggingar sem þarf að skoða í tengslum við vinnuna, hugsanlegan vinnufatnað, verkfæri og þessháttar.