bil.is

Bandalag íslenskra listamanna, skammstafað BÍL, er bandalag félaga listamanna í hinum ýmsu listgreinum og er tilgangur þess fyrst og fremst að styðja vöxt og viðgang íslenskra lista, bæði innanlands og utan, gæta hagsmuna íslenskra listamanna og efla með þeim samvinnu og samstöðu. Aðild að BÍL geta þau félög listamanna átt sem starfa á atvinnugrundvelli að listsköpun og listflutningi og eru formenn þeirra sjálfkjörnir í stjórn.

Forseti er kjörinn til tveggja ára í senn og er hann talsmaður stjórnar og kemur fram fyrir hennar hönd út á við og gagnvart stjórnvöldum. Stjórn BÍL skipar fulltrúa listamanna í ýmis ráð og nefndir á vegum ríkis og borgar, auk þess sem hún er umsagnaraðili fyrir stjórnvöld um flest þau mál er snerta listir og menningu.

Fulltrúar BÍL í nefndum og ráðum eru (skv. samantekt sem gerð var í febrúar 2010):
Áheyrnarfulltrúar í Menningar- og ferðamálaráði Reykjavíkur: Kolbrún Halldórsdóttir og Þuríður Sigurðardóttir
Fulltrúi í faghópi Menningar- og ferðamálaráðs: Sigrún Valbergsdóttir  
Kvikmyndaráð: Ágúst Guðmundsson, Ásdís Thoroddsen varamaður
Barnamenningarsjóður: Karen María Jónsdóttir, Kristín Mjöll Jakobsdóttir varamaður
Fulltrúaráð Listahátíðar: Kolbrún Halldórsdóttir
Stjórn listamannalauna: Margrét Bóasdóttir, Randver Þorláksson varamaður
Varastjórn Útflutningsráðs: Margrét Bóasdóttir
Fulltrúi í úthlutunarnefnd Norrænnar menningarhátíðar 29.10.-7.11.2010: Hávar Sigurjónsson, Hrafnhildur Gunnarsdóttir varamaður

Bandalag Íslenskra listamanna, BÍL
Pósthólf 637
sími: 897 3397
netfang: bil@bil.is